RËNDËSIA E VENDIMEVE EFEKTIVE NË RRITJEN E PERFORMANCËS SË FIRMAVE TË BIZNESIT

Abstract

Në kushtet bashkëkohore të zhvillimit të afarizmit, udhëheqësit e 
firmave të biznesit, gjithnjë e më shumë duhen të jenë sa më të kujdesshëm, 
duke i përkushtuar rëndësi shumë të madhe vendimeve të cilat i marrin në 
kuadër të funksionimit dhe zhvillimit të aktiviteteve të tyre. Çdo vendim i 
marrë, mund të ndikojë pozitivisht, por edhe negativisht në procesin e 
prodhimit të produkteve ose të shërbimeve. Prandaj, në kuadër të çdo vendimi, 
menaxherët e firmave të biznesit duhen të marrin parasysh shumë faktorë, qoftë 
brenda por edhe jashtë ndërmarrjeve të tyre, në mënyrë që vendimet e tyre mos 
të kenë efekt negativ.  
Ekonomia e tregut, respektivisht sistemi ekonomik kapitalist i 
mundëson qytetarit gjegjësisht konsumatorit që ti ofrohen mundësi dhe zgjedhje 
të shumta sa i përket përzgjedhjes për produkte dhe shërbime. Prandaj, veprimi 
i lirë i firmave të biznesit në treg, zgjedhja e mënyrës së prodhimit, në mënyrë 
të padiskutueshme konsiderohet si përparësi absolute, mirëpo në anën tjetër 
edhe si mangësi që karakterizohet me një numër të madh të konkurrencës që 
ofrojnë produkte ose shërbimeve të ngjashme. Udhëheqësit e firmave të biznesit 
gjithmonë duhet që vendimet e tyre ti mbështesin në dobi të dyanshme, në 
njërën anë në dobinë e pronarëve të tyre dhe në anën tjetër në dobi të 
konsumatorëve. Qëllimi i këtij punimi është që të ofrojë të dhëna teorike dhe 
praktike që tregojnë dhe dëshmojnë rëndësinë e vendimmarrjes efektive, si 
faktorë vendimtarë i arritjes së suksesit biznesor.