MJEDISI I SHËNDOSHË NATYROR PËR NJË ZHVILLIM TË QËNDRUESHËM

Abstract

Ky punim ngërthen në vete idenë se mjedisi natyror ka rëndësi të 
jashtëzakonshme për zhvillim dhe rritje të qëndrueshme ekonomike. Nga 
analiza e gjendjes ambientale në Kosovë vlerësohet se të gjithë elementet 
dhe komponentët e mjedisit jetësor (ajri, uji, dheu) janë të rrezikuara. 
Rrezikimi i ambientit në Kosovë është rezultat i ndotjes së ambientit, i 
ndërtimeve të pakontrolluara, prerjes së pakontrolluar të pyjeve, erozionit 
të dheut, nga menaxhimi i dobët i mbeturinave, si dhe aktiviteteve të tjera 
humane.  Raporti i mjedisit natyror me rritjen ekonomike është reciprok sa 
edhe i ndërlikuar. Një zhvillim i qëndrueshëm i sektorëve të ndryshëm 
ekonomik nuk mund të imagjinohet pa një mjedis të shëndoshë natyror. 
Lidhur me këtë tematikë në punim janë trajtuar konceptet kyçe të mjedisit 
dhe janë identifikuar sektorët e ndryshëm ekonomik që kanë ndikim në 
mjedisin natyror. Në përmbyllje, është propozuar një model i detajuar me 
masat adekuate për mbrojtjen e mjedisit dhe rrjedhimisht inicimin e një 
zhvillimi të qëndrueshëm ekonomik.  
Fjalët kyçe: mjedisi natyror, ambienti, sektori ekonomik, zhvillimi 
ekonomik