ORIENTIMET GLOBALE STRATEGJIKE TË ZHVILLIMIT EKONOMIK NË REPUBLIKËN E KOSOVËS

Abstract

Abstrakt 
Në bazë të praktikave të vendeve tjera të cilat kanë kaluar në 
periudhën e tranzicionit, problemi kyç i këtij procesi ishte dukuria e 
korrupcionit, varfërisë dhe efekteve negative të globalizimit. Në këtë punim 
synojmë që të analizojmë orientimin global strategjik  në zhvillimin e 
ekonomisë së Kosovës në periudhën e tranzicionit, me qëllim të zvogëlimit të 
normës së papunësisë, varfërisë dhe anëtarësimin më të shpejtë të Kosovës në 
UE. Qëllimi i këtij punimi do të jetë një kontribut sa do i vogël  që të plotësojë 
një mungesë të madhe të studimeve që trajtojnë aspektet ekonomike dhe sociale 
në Kosovë. Zhvillimi i ekonomisë së hapur të tregut e të strukturave 
demokratike të shoqërisë në Kosovë konsiderohet si domosdoshmëri për 
stimulimin e aktiviteteve ekonomike. Projekti synon të përmirësojë nivelin e 
informimit të faktorëve të brendshëm dhe të jashtëm për aspektet ekonomike të 
problemit të Kosovës, të cilat janë shumë të rëndësishme, por nga ana tjetër, 
shpeshherë të margjinalizuara.